عدد المساهمات : 652 تاريخ التسجيل : 24/10/2008 العمر : 32 الموقع : www.abdalraouf.yoo7.com
موضوع: لو ربنا فك عقدتك واتخطبتي الجمعة أكتوبر 31, 2008 5:17 pm
أختي العزيزة لو ربنا فك عقدتك واتخطبتي فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه إلى مثوااااه الأخير في قفص النسانيس قصدي قفص الزوجية السعيد
أجمل ما في الخطوبة العزومات الرومانسية على أحلى محلات أكل فى البلد واللي عمرك ماهاتشويفها بعد الجواز المهم نصائحي لك عند أي عزومة مع خطيبك
1-الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا م البوز زي الخنجر ولا من فوق طبعًا
العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي العيش بيتقطع بالسكينة فى الطبق وبعدين تاخدي لقمة لقمة بالعافية قال يعني نفسك مسدودة اضغطي على أعصابك جدااا وبعدين لما تروَّحي إبقي حِفِّي زي مانتِ عايزه
3- الشوووربة بند الشوربة ده مهم جدًاااا أبوس كعب رجلك الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون وطبعــاً عايزك تنسى تمامًاالسلطانية اللي بتقيميها على بقك ف البيت وتدلدقي على روحك بالمعلقه وبدون صوت سخنة ولعة برضه بدون صوت وتسيبي تلت الطبق ع الأقل مش تميليه عشان تلهطيها لآخر نقطة
5- المكرونة الاسباكتي برضه بالشوكة تتلف على طرف الشوكة لحد ما تخلص وبعدين تحطيها فى بؤك من سكات مش تشفطي المكرونة عود عود
6- السمك مشكلة شوفي بتفصلي اللحم عن الشوك ..إزاي؟؟ تقطعي اللحم من النص بالطول وبعدين تفردي اللحم ع الجانبين ولما تخلصي ناحية متقلبيش السمكة.. بلاش فلح شيلي السلسلة بالشوكة والسكينة وحطيها ف جنب الطبق وكملي أكل النص التاني وبدل الفيلم الهندي ده نصيحة ماتكليش السمك خالص قولي مابحبش السمك وخلصي نفسك
7- الجمبري -إذا كنتي عارفاه- أول ماطبق الجمبري ينزل.. بصيله بقرف واحتقار شديدين آل يعني زهقانة من كتر أكل الجمبري الجامبو ف بيت بابـا وأتنهدي جامد وقولي.. برضه؟؟؟ وتروحي قاطعة راس الجمبريياية بالشوكة أنا فى عرضك إنسي المصمصة دلوقتى
8- البطاطس سواء مسلوقة أو محمرة أوعي تهرسيها وتدبيها على الرز وتدي لا..لآ...لآ بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي
الفاكهة لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة وبعدين فى طفاية السجاير اللي على الترابيزه أوعي ياحبيبتي من نظام التفتفة للبذر إنسي
10- ولما تخلصي أكل تحطي إيدك على بطنك اللي عصافيرها بتصوصو من العينات اللي كلتيها.. وتقولي له مش ممكن أنا عمري ما اتفجعت كدة أنا أودامي أسبوعل هابطل أكل فيه
وبعدين تمسكي الفوطة اللي دايمًا موجودة على التربيزة من غير لازمة وتبوسيها آل يعني بتمسحي بؤك وبعدين تستأذني منه لدخول التوليت لإصلاح ماكياجك
عدد المساهمات : 30 تاريخ التسجيل : 24/10/2008 العمر : 31
موضوع: رد: لو ربنا فك عقدتك واتخطبتي السبت نوفمبر 01, 2008 1:36 am
لالالالالالا على فكرة انت واخد فكرة غلط خاااااااااااالص عن البنات ....أولا .... الايام دي البنت هي اللي بتخطب ..... ثانيا .... يااااااااه ه ه ه ه في ايام زمان أيام ما كانو جدودنا بيروحو العزومات الرومانسية .... ...ز ثالثا .... متقدرش تحكم على البنات وانت متعرفهم كويس .... صح ولا انا غلطانة ....
2ntaka lady
عدد المساهمات : 16 تاريخ التسجيل : 27/10/2008
موضوع: رد: لو ربنا فك عقدتك واتخطبتي الخميس نوفمبر 06, 2008 6:16 am
iهو موضوع مضحك أوي ..... بس أنا ليا تعليق ضغير : هو ليه كل الشباب فكرين أنا أحنا فعلا بنعمل كده ألي هو أحنا همجين في أكلنا مع أننا بنبأه بطبعيتنا يعني أنا لو خطيبي عزمني ومش عجبتوا طريقة أكلي يروح يشوف وحده غيري يا أما هفصلوا وحده على مزاجه فا لازم لما حد يجي يتكلم عن حاجه زي كده لازم يدخل بعض الشباب معانا بردك .......... ولا غلط يا أوفا
AOFA Admin
عدد المساهمات : 652 تاريخ التسجيل : 24/10/2008 العمر : 32 الموقع : www.abdalraouf.yoo7.com
موضوع: رد: لو ربنا فك عقدتك واتخطبتي الجمعة نوفمبر 07, 2008 8:37 am
2ntaka lady كتب:
iهو موضوع مضحك أوي ..... بس أنا ليا تعليق ضغير : هو ليه كل الشباب فكرين أنا أحنا فعلا بنعمل كده ألي هو أحنا همجين في أكلنا مع أننا بنبأه بطبعيتنا يعني أنا لو خطيبي عزمني ومش عجبتوا طريقة أكلي يروح يشوف وحده غيري يا أما هفصلوا وحده على مزاجه فا لازم لما حد يجي يتكلم عن حاجه زي كده لازم يدخل بعض الشباب معانا بردك .......... ولا غلط يا أوفا
ماشى ياعم ولا تزعال
bo0bo0.step up
عدد المساهمات : 194 تاريخ التسجيل : 24/10/2008 العمر : 30
موضوع: رد: لو ربنا فك عقدتك واتخطبتي الأربعاء ديسمبر 31, 2008 12:18 pm
بجد ياروؤف الموضع دة كوميدى اوى
AOFA Admin
عدد المساهمات : 652 تاريخ التسجيل : 24/10/2008 العمر : 32 الموقع : www.abdalraouf.yoo7.com
موضوع: رد: لو ربنا فك عقدتك واتخطبتي الخميس يناير 08, 2009 6:25 am
مرسى يارب يكون عجبكوم
anas belal
عدد المساهمات : 80 تاريخ التسجيل : 06/02/2009 العمر : 31
موضوع: رد: لو ربنا فك عقدتك واتخطبتي الجمعة فبراير 13, 2009 12:09 am
shaklohom hay3aneso
AOFA Admin
عدد المساهمات : 652 تاريخ التسجيل : 24/10/2008 العمر : 32 الموقع : www.abdalraouf.yoo7.com
موضوع: رد: لو ربنا فك عقدتك واتخطبتي الجمعة فبراير 20, 2009 4:32 am
ههههههههههه واضح كدة
◊۩¯−ـ‗mAnDo‗ـ−¯۩◊
عدد المساهمات : 463 تاريخ التسجيل : 17/08/2009 العمر : 29 الموقع : عايش مع اوفا
موضوع: رد: لو ربنا فك عقدتك واتخطبتي الخميس سبتمبر 17, 2009 9:21 am
اية الكلام الحلو دة مرسى يارريس والبنات فى الاكل عينك ماتشوف الا النور بس مشك كلهم