يوميات الشباب اليومين دول او دلوقتي يعني .........

يصحى من النوم شكله جميل طبعا يخش ال( تواليت) يغسل وشه

يطلع شكله مقبول لحد مايفطر الفطار

يجرى يلبس الحتة اللى على الحبل ويتشيك ويشوف نفسه

يرجع تانى الحمام يغسل شعره ويوقفه بأتنين جنيه جل

يلبس اللمؤاخذة الجزمة


أنت رايح فين يبنى

الكلية يابابا عاوز حاجة

خد بالك من نفسك وخلى بالك من البنات لايعكسوك

لا ياحج ابنك راجل


ينزل

كلية مين وبتاع ايه

هو احنا بتوع كليات

ينزل يقف على اقرب قمة وهاتك يا معاكسة فى البنات

ساعة ولا ساعتين يكون ظبطله خمستاشر بنت

يطلع على اقرب كافيتيريا

يقعد يشيش ويعفر ساعتين تلاتة

بعد كده

ألو يا نونة انتى فين يا روحى

انا واقفالك يا دودى انتى اللى فين

انا لسه نازل وجاييلك أهو

استنينى أدام باب أداب


يروح يلف لفتين مع المزة وياكله سندوتشين كبده على تلاتة هامبرجر

تكون الساعة ضربت فى ستة بلليل

يطلع يصيع حبتين فى الشارع

ويرجع تانى عالبيت




كنت فين يبنى كل ده

الكلية يا ماما حاجة تقرف الدكتور وجع دماغ ابونا

معلش يلا روح كل عشان تلاقيك على لحم بطنك من الصبح

اه فعلا جعان اوى

يضرب العشا

وعلى السريييييييييييييييييييييير

تصبح على خير بلليل